Ka dështuar të konstituohet Komisionit për Hetimin Parlamentar për dyshimet për keqpërdorimin e rezervave shtetërore.

Ani pse ishte paraparë që sot në ora 10:00 të bëhet konstituimi i këtij Komisioni, kjo nuk u bë në mungesë të deputetëve të lëvizjes Vetëvendosje, raporton Arbresh.info.

Me votë të deputetëve pjesëmarrës nga partitë opozitare, u caktua që konstituimi i këtij Komisioni të bëhet sot nga ora 15:00.

Ndërkohë, për këtë dështim deputetët opozitarë po fajësojnë kolegët e tyre nga  Vetëvendosjes

Deputeti i Aleancës për Ardhmërinë e Kosovës(AAK), Pal Lekaj tha se papërgjegjshmëria e tyre po tregon se ata diçka po fshehin dhe po frikësohen.

Ndërsa deputetja e LDK-së, Doarsa Kica Xhelili, pohoi se deputetët e pozitës kanë qenë të informuar, por nuk kanë dashur të jenë të pranishëm.

Edhe kryesuesi i këtij Komisioni, deputeti i PDK-së,  Rashit Qalaj, tregon se ka takuar deputetin Armend Muja të VV-së, i cili i ka thënë se ka komision tjetër dhe se do lajmërohet, por nuk e ka bërë një gjë të tillë. Sipas tij, VV-ja  po tenton të ikë. /Arbresh.info/